.png)
കാപ്പില്‍ ബീച്ചില്‍ തിരയില്‍പ്പെട്ട് യുവാവും ഭാര്യാസഹോദരനും മരിച്ചു
വര്‍ക്കല: ഇടവ കാപ്പില്‍ കടലില്‍ കുളിക്കാനിറങ്ങിയ ബന്ധുക്കളായ രണ്ടു യുവാക്കള്‍ തിരയില്‍പ്പെട്ട് മരിച്ചു.
ചെന്നൈ: വിജയ് ഇരട്ടവേഷത്തിലെത്തുന്ന 'ദ ഗ്രേറ്റസ്റ്റ് ഓഫ് ഓള്‍ ടൈം'(ഗോട്ട്) എന്ന ചിത്രത്തിന്റെ ടീസര്‍ പുറത്തിറങ്ങി. വിജയ്‌യുടെ 50-ാം പിറന്നാളിനോടനുബന്ധിച്ച് പുറത്തിറക്കിയ വെങ്കട്ട് പ്രഭു ചിത്രത്തിന്റെ ടീസറിന്റെ ദൈര്‍ഘ്യം 50 സെക്കന്‍ഡാണ്. ഒരു ചേസ് രംഗമാണ് ടീസറിലുള്ളത്. ഇരട്ട വേഷത്തിലാണ് വിജയ് എത്തുന്നതെന്ന് ടീസറില്‍ വ്യക്തമാണ്. ഇതിലൊരു വേഷം അല്പം പ്രായമുള്ളയാളുടേതാണ്. മറ്റേ വേഷം ചെറുപ്പക്കാരന്റേതാണ്. ചിത്രത്തിനുവേണ്ടി വിജയിനെ ഡീ ഏജിങ് സാങ്കേതികവിദ്യ ഉപയോഗിച്ച് ചെറുപ്പക്കാരനാക്കുന്നതായി നേരത്തേ വാര്‍ത്തകള്‍ വന്നിരുന്നു. വിജയും ഇളയരാജയുടെ മകളും അടുത്തിടെ അന്തരിച്ച ഗായികയുമായ ഭവതരിണിയും ചേര്‍ന്നാലപിച്ച ചിത്രത്തിലെ പുതിയ ഗാനം ഇന്ന് വൈകിട്ട് റിലീസ് ചെയ്യും. യുവന്‍ ശങ്കര്‍ രാജയാണ് സംഗീത സംവിധാനം. കരളിലെ അര്‍ബുദത്തെത്തുടര്‍ന്ന് ജനുവരി അഞ്ചിന് അന്തരിച്ച ഗായികയുടെ ശബ്ദം എഐ സാങ്കേതിക വിദ്യ ഉപയോഗിച്ച് പുനസൃഷ്ടിക്കുകയായിരുന്നു.വിനായകചതുര്‍ഥിയോടനുബന്ധിച്ച് സെപ്റ്റംബര്‍ 5 നാണ് ഗോട്ട് ലോകവ്യാപകമായി പ്രദര്‍ശനത്തിനെത്തിക്കുന്നത്. എജിസ് എന്റര്‍ടൈന്‍മെന്റാണ് ചിത്രം റിലീസ് ചെയ്യുന്നത്. മീനാക്ഷി ചൗധരി, പ്രശാന്ത്, പ്രഭുദേവ, ജയറാം, സ്‌നേഹ തുടങ്ങിയവരും ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നു.
