.png)
കാപ്പില്‍ ബീച്ചില്‍ തിരയില്‍പ്പെട്ട് യുവാവും ഭാര്യാസഹോദരനും മരിച്ചു
വര്‍ക്കല: ഇടവ കാപ്പില്‍ കടലില്‍ കുളിക്കാനിറങ്ങിയ ബന്ധുക്കളായ രണ്ടു യുവാക്കള്‍ തിരയില്‍പ്പെട്ട് മരിച്ചു.
മുംബൈ: ജിമെയില്‍ ഇന്‍ബോക്സില്‍ നിന്ന് ഇനി ഒറ്റ ക്ലിക്കില്‍ 50 അനാവശ്യ മെയിലുകള്‍ നീക്കം ചെയ്യാനാകും. ജിമെയില്‍ ആന്‍ഡ്രോയിഡ് 2023.08.20.561750975 വേര്‍ഷനിലാണ് ഗൂഗിള്‍ ഈ പുതിയ ഫീച്ചര്‍ കൊണ്ടുവന്നിരിക്കുന്നത്. സാംസങ് ഗാലക്സി, പിക്സല്‍ ഉപഭോക്താക്കള്‍ക്കും ആന്‍ഡ്രോയിഡ് 13, 14 വേര്‍ഷനുകളിലുള്ളവര്‍ക്കും ഇത് ലഭ്യമായിട്ടുണ്ട്. വരും ദിവസങ്ങളില്‍ കൂടുതല്‍ ഫോണുകളില്‍ ഇത് ലഭിക്കും.
ജിമെയില്‍ ആപ്പില്‍ Select all എന്ന ലേബലിലാണ് ഈ ഫീച്ചര്‍ ഉണ്ടാവുക. എങ്കിലും ആദ്യ 50 ഇമെയിലുകളാണ് ഇതില്‍ സെലക്ട് ചെയ്യാനാകുക. ഇതില്‍ നീക്കം ചെയ്യേണ്ടാത്ത ഇമെയിലുകള്‍ അണ്‍ചെക്ക് ചെയ്ത് ഒഴിവാക്കാനും സാധിക്കും. ജിമെയിലിന്റെ വെബ് വേര്‍ഷനില്‍ നേരത്തെ തന്നെ 50 മെയിലുകള്‍ ഒരേസമയം നീക്കം ചെയ്യാന്‍ സൗകര്യമുണ്ട്.
15 ജിബി മാത്രം മെമ്മറി ഉള്ള ജിമെയിലിന്റെ സൗജന്യ വേര്‍ഷന്‍ ഉപയോഗിക്കുന്നവര്‍ക്ക് ഏറെ ഉപകാരപ്രദമാണ് ഈ ഫീച്ചര്‍. ഇമെയിലുകള്‍ക്കൊപ്പം വരുന്ന ചിത്രങ്ങളും വീഡിയോകളുമെല്ലാം മെമ്മറി കൈയടക്കുന്നവയാണ്. ഇമെയിലുകള്‍ നീക്കം ചെയ്യുന്നതോടെ വലിയൊരളവില്‍ ഗൂഗിള്‍ മെമ്മറി കാലിയാക്കാന്‍ സാധിക്കും.
