.png)
ഇടമണ് കിഴക്ക് എസ്.എന്.ഡി.പി ശാഖായോഗം വാര്ഷികപൊതുയോഗം
ഇടമണ്: കിഴക്ക് 854-ാം നമ്പര് എസ്.എന്.ഡി.പി ശാഖായോഗത്തിന്റെ വാര്ഷികപൊതുയോഗവും ഭരണസമിതി തിരഞ്ഞെടുപ്പും
ജറുസലേം: ഗാസയുടെ നിയന്ത്രണം ഏറ്റെടുക്കുന്നതിനായി ഇസ്രയേല്‍ പ്രത്യാക്രമണം ശക്തമാക്കി. ഗാസയിലേയ്ക്കുള്ള ഇന്ധന-ഭക്ഷണ-വൈദ്യുതിവിതരണം നിര്‍ത്തി വച്ചതായും റിപ്പോര്‍ട്ടുകളുണ്ട്. ഇതുവരെ ഹമാസിന്റെ 1290 കേന്ദ്രങ്ങളില്‍ ബോംബ് ഇട്ടതായി ഇസ്രയേല്‍ സൈന്യം സ്ഥിരീകരിച്ചു. തങ്ങളുടെ 30 ലേറെ പൗരന്മാര്‍ ബന്ദികളാണെന്നും ഇസ്രയേല്‍ സ്ഥിരീകരിച്ചു.
ഇസ്രായേല്‍- ഹമാസ് ഏറ്റുട്ടലില്‍ ഇതുവരെ മരിച്ചവരുടെ എണ്ണം 1600 കടന്നു. 900 ഇസ്രായേലികളും 700 ഗാസ നിവാസികളുമാണ് മരിച്ചത്.
ഗാസയില്‍ ഇസ്രായേല്‍ വ്യോമാക്രമണം തുടര്‍ന്നാല്‍ ഇപ്പോള്‍ ബന്ദികളാക്കിയിട്ടുള്ളവരെ പരസ്യമായി കൊലപ്പെടുത്തുമെന്ന് ഹമാസ് മുന്നറിയിപ്പ നല്‍കിയിട്ടുണ്ട്. ഹമാസ് ആക്രമികള്‍ ഇപ്പോഴും ഇസ്രായേലില്‍ ഉണ്ടെന്ന് പ്രധാനമന്ത്രി ബെഞ്ചമിന്‍ നെതന്യാഹു ടെലിവിഷനിലൂടെ സമ്മതിച്ചു. ഇപ്പോള്‍ ഗാസയില്‍ നടത്തിയ വ്യോമാക്രണങ്ങള്‍ തുടക്കം മാത്രമാണെന്നും നെതന്യാഹു ആവര്‍ത്തിച്ചു.
ഇതിനിടെ 11 അമേരിക്കന്‍ പൗരന്മാര്‍ ഹമാസ് ആക്രണത്തില്‍ കൊല്ലപ്പെട്ടതായി യുഎസ് പ്രസിഡന്റ് ജോ ബൈഡന്‍ സ്ഥിരീകരിച്ചു. ഹമാസ് ബന്ദികളാക്കിയവരില്‍ അമേരിക്കക്കാര്‍ ഉള്‍പ്പെട്ടിട്ടുണ്ടോയെന്ന റിപ്പോര്‍ട്ടുകള്‍ ഇപ്പോള്‍ സ്ഥിരീകരിക്കാന്‍ കഴിയില്ല. ആക്രമത്തെ ശക്തമായി അപലപിച്ച ബൈഡന്‍, അമേരിക്ക ഇസ്രായേലിനൊപ്പമാണെന്നും ആവശ്യമുള്ള എന്ത് സഹായവും ലഭ്യമാക്കുമെന്നും ആവര്‍ത്തിച്ചു.
