.png)
കാപ്പില്‍ ബീച്ചില്‍ തിരയില്‍പ്പെട്ട് യുവാവും ഭാര്യാസഹോദരനും മരിച്ചു
വര്‍ക്കല: ഇടവ കാപ്പില്‍ കടലില്‍ കുളിക്കാനിറങ്ങിയ ബന്ധുക്കളായ രണ്ടു യുവാക്കള്‍ തിരയില്‍പ്പെട്ട് മരിച്ചു.
ന്യൂഡല്‍ഹി:സംസ്ഥാന കോണ്‍ഗ്രസ് നേതാക്കള്‍ വെറുപ്പിന്റെ രാഷ്ട്രീയം അവസാനിപ്പിക്കണമെന്നാവശ്യപ്പെട്ട് എ ഗ്രൂപ്പ് എഐസിസി അദ്ധ്യക്ഷന്‍ മല്ലികാര്‍ജുന്‍ ഖര്‍ഗെയെ സമീപിക്കാനൊരുങ്ങുന്നു. ബ്ലോക്ക് പുനസംഘടനയില്‍ കെ.സുധാകരനും വി.ഡി.സതീശനും ചേര്‍ന്ന് തങ്ങളെ വെട്ടിനിരത്തിയതിലെ അതൃപ്തിയാണ് പരാതി രൂപത്തില്‍ മറനീക്കി പുറത്തു വന്നിരിക്കുന്നത്. കെ.സി. വേണുഗോപാലിന്റെ നിര്‍ദ്ദേശങ്ങളും സംസ്ഥാനനേതൃത്വം പാടെ അവഗണിച്ചു. പുനസംഘടനാ തര്‍ക്കങ്ങള്‍ പരിഹരിക്കാന്‍ ചുമതലപ്പെടുത്തിയിട്ടുള്ള എഐസിസി ജനറല്‍സെക്രട്ടറി താരീഖ് അന്‍വറും ഗ്രൂപ്പ്‌നേതാക്കളുടെ പരാതികള്‍ ചെവിക്കൊണ്ടില്ലെന്ന ആക്ഷേപവും ശക്തമാണ്.താരിഖ് അന്‍വര്‍, സുധാകര-സതീശപക്ഷം ചേര്‍ന്നതായാണ് പ്രധാനഗ്രൂപ്പുകളുടെ പരാതി. ബ്ലോക്ക് പുനഃസംഘടന അന്തിമഘട്ടത്തിലെത്തുമ്പോള്‍ മുന്‍ പിസിസി പ്രസിഡന്റുമാരുമായി ആശയവിനിമയം നടത്തണമെന്ന കെ.സി.േവണുഗോപാലിന്റെ നിര്‍ദ്ദേശം പോലും സംസ്ഥാനനേതൃത്വം അവഗണിച്ചു.ഇത്തരത്തില്‍ ആരുമായും അമിതമായി കൂടിയാലോചിക്കേണ്ട കാര്യമില്ലെന്ന മട്ടില്‍ ബ്ലോക്ക് പ്രസിഡന്റുമാരെ നിയമിച്ചതാണ് സംസ്ഥാന കോണ്‍ഗ്രസിലെ അതൃപ്തിക്കും പോരിനും കാരണം. ഗ്രൂപ്പുകളുടെ പരാതിയില്‍ എ.ഐ.സി.സി. അദ്ധ്യക്ഷന്‍ എന്ത് നിലപാടെടുക്കും എന്നതിനെ ആശ്രയിച്ചായിരിക്കും സംസ്ഥാനകോണ്‍ഗ്രസിലെ പോര് മുറുകുന്നുത്.
