.png)
കാപ്പില്‍ ബീച്ചില്‍ തിരയില്‍പ്പെട്ട് യുവാവും ഭാര്യാസഹോദരനും മരിച്ചു
വര്‍ക്കല: ഇടവ കാപ്പില്‍ കടലില്‍ കുളിക്കാനിറങ്ങിയ ബന്ധുക്കളായ രണ്ടു യുവാക്കള്‍ തിരയില്‍പ്പെട്ട് മരിച്ചു.
വാഷിംഗ്ടണ്‍: നാസ പ്ലസ് (NASA+) എന്ന പേരില്‍ നാസ പുതിയ സ്ട്രീമിംഗ് സേവനമാരംഭിച്ചു. നാസയുടെ ഉള്ളടക്കങ്ങള്‍ സ്ട്രീം ചെയ്യുന്ന ഈ പ്ലാറ്റ്ഫോം പൂര്‍ണമായും സൗജന്യമാണ്. പരസ്യങ്ങളും ഉണ്ടാകില്ല. വെബ് ബ്രൗസര്‍ വഴിയും നാസ ആപ്പ് വഴിയും സേവനം ആസ്വദിക്കാനാവും. plus.nasa.gov എന്ന യുആര്‍എല്‍ സന്ദര്‍ശിച്ചാല്‍ നാസ പ്ലസ് വെബ്സൈറ്റിലെത്താം.
ആന്‍ഡ്രോയിഡ്, ഐഒഎസ് ആപ്പുകളും ലഭ്യമാണ്. ആപ്പിള്‍ ടിവി, റോകു എന്നീ പ്ലാറ്റ്ഫോമുകളിലും നാസ പ്ലസ് ലഭിക്കും. നിലവില്‍ നാസ ആപ്പ് ഇന്‍സ്റ്റാള്‍ ചെയ്തവര്‍ ആപ്പ് അപ്ഡേറ്റ് ചെയ്താല്‍ പുതിയ സൗകര്യങ്ങള്‍ ഉപയോഗിക്കാനാകും.
ബഹിരാകാശം, ശാസ്ത്രം എന്നിവയുമായി ബന്ധപ്പെട്ട ഉള്ളടക്കങ്ങളാണ് നാസ പ്ലസില്‍ ഉണ്ടാകുക. ഒറിജിനല്‍ സീരീസുകളും അക്കൂട്ടത്തിലുണ്ടാകും.
നാസ പ്ലസ് എന്ന പേരില്‍ സ്ട്രീമിങ് സേവനം അവതരിപ്പിക്കുന്ന വിവരം കഴിഞ്ഞ ജൂലായില്‍ നാസ പുറത്തുവിട്ടിരുന്നു. ജെയിംസ് വെബ് ദൂരദര്‍ശിനിയുമായി ബന്ധപ്പെട്ട ഉള്ളടക്കങ്ങള്‍, കുട്ടികള്‍ക്ക് വേണ്ടിയുള്ള ഗ്രഹങ്ങള്‍, പ്രപഞ്ചം, നാസയെക്കുറിച്ചും ബഹിരാകാശ സഞ്ചാരികളെക്കുറിച്ചുമുള്ള ആനിമേറ്റഡ് പരിപാടികള്‍ എന്നിവയും നാസ പ്ലസിലുണ്ടാകും.
നിലവില്‍ എച്ച്ഡി റസലൂഷനിലുള്ള ഉള്ളടക്കങ്ങള്‍ മാത്രമാണ് നാസ പ്ലസിലുള്ളത്. ഇംഗ്ലീഷ്, സ്പാനിഷ് ഭാഷകളിലുള്ളവയാണ് ഭൂരിഭാഗം ഉള്ളടക്കങ്ങളും. വിവിധ പരിപാടികളുടെ തത്സമയ സ്ട്രീമിംഗും നാസ പ്ലസിലുണ്ടാകും.
