.png)
കാപ്പില്‍ ബീച്ചില്‍ തിരയില്‍പ്പെട്ട് യുവാവും ഭാര്യാസഹോദരനും മരിച്ചു
വര്‍ക്കല: ഇടവ കാപ്പില്‍ കടലില്‍ കുളിക്കാനിറങ്ങിയ ബന്ധുക്കളായ രണ്ടു യുവാക്കള്‍ തിരയില്‍പ്പെട്ട് മരിച്ചു.
ബാര്‍ബഡോസ്: വെസ്റ്റ് ഇന്‍ഡീസിനെതിരായ ഏകദിനപരമ്പരയിലെ ആദ്യ മത്സരത്തില്‍ ടോസ് നേടിയ ഇന്ത്യ ഫീല്‍ഡിംഗ് തിരഞ്ഞെടുത്തു. മലയാളി താരം സഞ്ജു സാംസണ്‍ ടീമിലില്ല. ഇന്ത്യയ്ക്ക് വേണ്ടി പേസ് ബൗളര്‍ മുകേഷ് കുമാര്‍ അരങ്ങേറ്റം കുറിയ്ക്കും.
രോഹിത് ശര്‍മ്മ നയിക്കുന്ന ടീമില്‍ ബാറ്റര്‍മാരായി ശുഭ്മാന്‍ ഗില്‍, വിരാട് കോലി, സൂര്യകുമാര്‍ യാദവ് എന്നിവരുണ്ട്. വിക്കറ്റ് കീപ്പറായി ഇഷാന്‍ കിഷന്‍ കളിക്കും. ഹാര്‍ദിക് പാണ്ഡ്യ, രവീന്ദ്ര ജഡേജ, ശാര്‍ദൂല്‍ ഠാക്കൂര്‍ എന്നിവര്‍ ഓള്‍ റൗണ്ടര്‍മാരാണ്. മുകേഷ് കുമാര്‍, ഉമ്രാന്‍ മാലിക്, കുല്‍ദീപ് യാദവ് എന്നിവരാണ് ബൗളിംഗ് നിരയിലുള്ളത്. ഉമ്രാന്‍ മാലിക് അപ്രതീക്ഷിതമായാണ് ടീമിലിടം നേടിയത്.
വിന്‍ഡീസിനെതിരെ തുടര്‍ച്ചയായ 13-ാം പരമ്പരവിജയം ലക്ഷ്യമിട്ടാണ് ഇന്ത്യ ഇറങ്ങുന്നത്. ഇന്ത്യയ്‌ക്കെതിരെ വിന്‍ഡീസ് അവസാനമായി പരമ്പര ജയിച്ചത് 2006-ലാണ്. വിന്‍ഡീസ് നിരയെ വിക്കറ്റ് കീപ്പര്‍ ബാറ്ററായ ഷായ് ഹോപ്പാണ് നയിക്കുന്നത്. കൈല്‍ മായേഴ്സ്, ഷിംറോണ്‍ ഹെറ്റ്മെയര്‍, ബ്രാന്‍ഡണ്‍ കിങ്, റോവ്മാന്‍ പവല്‍ തുടങ്ങിയ പ്രമുഖര്‍ ടീമിലുണ്ട്.
