.png)
കാപ്പില്‍ ബീച്ചില്‍ തിരയില്‍പ്പെട്ട് യുവാവും ഭാര്യാസഹോദരനും മരിച്ചു
വര്‍ക്കല: ഇടവ കാപ്പില്‍ കടലില്‍ കുളിക്കാനിറങ്ങിയ ബന്ധുക്കളായ രണ്ടു യുവാക്കള്‍ തിരയില്‍പ്പെട്ട് മരിച്ചു.
ഭോപാല്‍: മദ്ധ്യപ്രദേശില്‍ ദളിത് യുവാവിനെ ആള്‍ക്കൂട്ടം മര്‍ദ്ദിച്ചുകൊല്ലുകയും മഹാരാഷ്ട്രയില്‍ നാല് ദളിത് യുവാക്കളെ തലകീഴായി കെട്ടിയിട്ട് മര്‍ദ്ദിച്ചവശരാക്കുകയും ചെയ്തു. മദ്ധ്യപ്രദേശിലെ സാഗര്‍ ജില്ലയില്‍ ബറോദിയ നൊനാഗിര്‍ സ്വദേശി നിതിന്‍ അഹിര്‍വാര്‍ (ലാലു19) കഴിഞ്ഞ വ്യാഴാഴ്ചയാണ് ആള്‍ക്കൂട്ട ആക്രമണത്തില്‍ മരിച്ചത്. സംഭവത്തില്‍ 8 പേരെ പൊലീസ് അറസ്റ്റ് ചെയ്തു. മുന്‍വൈരാഗ്യമാണ് കൊലയ്ക്ക് കാരണമെന്നാണ് പൊലീസിന്റെ വിശദീകരണം. എന്നാല്‍, ലാലുവിന്റെ സഹോദരി നല്‍കിയ പീഡനക്കേസില്‍ ഒത്തുതീര്‍പ്പാവശ്യപ്പെട്ടെത്തി സമ്മര്‍ദ്ദം ചെലുത്തുന്നതിനിടെയായിരുന്നു കൊലപാതകമെന്ന് കുടുംബം ആരോപിക്കുന്നു.
ആടിനെയും പ്രാവിനെയും മോഷ്ടിച്ചെന്നാരോപിച്ചാണ് മഹാരാഷ്ട്രയിലെ അഹമ്മദ് നഗര്‍ ജില്ലയില്‍ നാല് ദളിത് യുവാക്കളെ തലകീഴായി കെട്ടിയിട്ട് മര്‍ദ്ദിച്ചവശരാക്കിയത്. മര്‍ദ്ദനദൃശ്യങ്ങള്‍ സമൂഹമാദ്ധ്യമങ്ങളില്‍ വ്യാപകമായി പ്രചരിക്കുന്നുണ്ട്. ആടുകളെയും പ്രാവുകളെയും മോഷ്ടിച്ചെന്ന സംശയത്തില്‍ ആറു പേരടങ്ങുന്ന സംഘം യുവാക്കളെ വീടുകളില്‍നിന്ന് വിളിച്ചിറക്കിക്കൊണ്ടുപോയി മരത്തില്‍ തലകീഴായി കെട്ടിയിട്ട് മര്‍ദ്ദിക്കുകയായിരുന്നു.
പ്രതികളിലൊരാള്‍ തന്നെയാണ് യുവാക്കളെ മര്‍ദ്ദിക്കുന്ന ദൃശ്യങ്ങള്‍ ചിത്രീകരിച്ച് സമൂഹമാദ്ധ്യമം വഴി പ്രചരിപ്പിച്ചത്. ഓഗസ്റ്റ് 25ന് ആയിരുന്നു മര്‍ദ്ദനം. യുവരാജ് ഗലന്‍ഡെ, മനോജ് ബോഡകെ, പപ്പു പാര്‍ഖെ, ദീപക് ഗൈവാഡ്, ദുര്‍ഗേഷ് വൈദ്യ, രാജു ബോര്‍ഗെ എന്നിവരാണ് പ്രതികളെന്നും ഇവരില്‍ ഒരാള്‍ കസ്റ്റഡിയിലുണ്ടെന്നും മറ്റുള്ളവര്‍ ഒളിവിലാണെന്നും പൊലീസ് പറയുന്നു. പരുക്കേറ്റവര്‍ ആശുപത്രിയില്‍ ചികിത്സയിലാണ്.
ഇതിനിടെ മദ്ധ്യപ്രദേശിലാണ് ദളിതര്‍ക്കെതിരെ ഏറ്റവും കൂടുതല്‍ കുറ്റകൃത്യങ്ങള്‍ നടക്കുന്നതെന്നും ഇത് ദേശീയ ശരാശരിയുടെ മൂന്നിരട്ടിയാണെന്നും കോണ്‍ഗ്രസ് അദ്ധ്യക്ഷന്‍ മല്ലികാര്‍ജുന്‍ ഖര്‍ഗെ ആരോപിച്ചു.
