.png)
കാപ്പില്‍ ബീച്ചില്‍ തിരയില്‍പ്പെട്ട് യുവാവും ഭാര്യാസഹോദരനും മരിച്ചു
വര്‍ക്കല: ഇടവ കാപ്പില്‍ കടലില്‍ കുളിക്കാനിറങ്ങിയ ബന്ധുക്കളായ രണ്ടു യുവാക്കള്‍ തിരയില്‍പ്പെട്ട് മരിച്ചു.
തിരുവനന്തപുരം: മാദ്ധ്യമപ്രവര്‍ത്തകയോട് അപമര്യാദയായി പെരുമാറിയ സുരേഷ് ഗോപിക്കെതിരെ പ്രതിഷേധം വ്യാപകമായി. മാദ്ധ്യമപ്രവര്‍ത്തകയുടെ തോളില്‍ കൈ വച്ചത് തൊഴിലെടുക്കുന്ന എല്ലാ സ്ത്രീകള്‍ക്കും നേരെയുള്ള അവഹേളനമാണെന്നും തെറ്റ് ഏറ്റെടുത്ത് സുരേഷ് ഗോപി മാപ്പ് പറയണമെന്നും കേരളപത്രപ്രവര്‍ത്തകയൂണിയന്‍ സംസ്ഥാനക്കമ്മിറ്റി ആവശ്യപ്പെട്ടു. സുരേഷ്‌ഗോപിക്കെതിരെ വനിതാ കമ്മീഷനില്‍ പരാതി നല്‍കുമെന്നും മറ്റ് നിയമനടപടികള്‍ സ്വീകരിക്കുമെന്നും യൂണിയന്‍ ഭാരവാഹികള്‍ അറിയിച്ചു. തന്നോട് മോശമായി പെരുമാറിയ സുരേഷ്‌ഗോപിക്കെതിരെ നിയമനടപടികള്‍ സ്വീകരിക്കുമെന്ന് അധിക്ഷേപത്തിനിരയായ മാദ്ധ്യമപ്രവര്‍ത്തകയും അറിയിച്ചു.
ഇന്നലെ കോഴിക്കോട് തളിയില്‍ മാദ്ധ്യമപ്രവര്‍ത്തകരോട് സംസാരിക്കുന്നതിനിടെയാണ് സുരേഷ്‌ഗോപിയില്‍ നിന്ന് മോശം പെരുമാറ്റമുണ്ടായത്. ഇഷ്ടമില്ലാത്ത ഒരു ചോദ്യം ചോദിച്ച മാദ്ധ്യമപ്രവര്‍ത്തകയുടെ തോളില്‍ ദേഷ്യത്തോടെ കൈ വയ്ക്കുകയായിരുന്നു സുരേഷ്‌ഗോപി. ഉടന്‍ തന്നെ മാദ്ധ്യമപ്രവര്‍ത്തക പ്രതിഷേധസുചകമായി കൈ തട്ടിമാറ്റി. എന്നാല്‍ ഇതവഗണിച്ച സുരേഷ്‌ഗോപി വീണ്ടും മാദ്ധ്യമപ്രവര്‍ത്തകയുടെ തോളില്‍ കൈവയ്ക്കുകയും അവരാ കൈ തട്ടി മാറ്റുകയും ചെയ്യുന്നുണ്ട്. സുരേഷ്‌ഗോപിയുടെ അപമര്യാദയോടെയുള്ള ഈ പെരുമാറ്റം വീഡിയോദൃശ്യങ്ങളില്‍ വ്യക്തമാണ്. സുരേഷ് ഗോപിക്കെതിരെ സാമൂഹികമാദ്ധ്യമങ്ങളിലും വലിയ പ്രതിഷേധം ഉയര്‍ന്നിട്ടുണ്ട്.
